二十歲嘅時候的確多多理想，充滿力量；
三十歲有啲理想成功有啲失敗有啲改遲達標日期，但係有更多不了了之；
今年剛好四十歲，已過而立之年，又未能做到不惑之能耐，點算先?

明明有樓有車硬係覺得要換樓換車；
好好地有份工又會無啦啦擔心份工幾時唔要自己；
開始腰酸骨痛行多兩層樓梯氣喘喘頭暈暈；
擔心尿酸膽固醇脂肪肝糖尿前列腺肥大勃起功能障礙骨質疏鬆；
join左兩年會籍迫自己運動，去左幾次沖涼同睇雜誌之後間嘢仲執鬼埋，但係個個月信用咭仲比緊錢…

據統計數據顯示，2010年香港男士平均壽命為80歲
假如我都係嘅話，咁究竟我係仲有半世人要捱定係捱左半世人呢？
呢個半杯水嘅問題，真係諗到頭都立呀!

男人四十歲，問題多多煩到頭都立晒。
好！等肚腩哥同你一齊笑住面對呢啲髮線後退嘅現實。